Ég er nú ekki alveg sammála þessu.
You are Linus!


Which Peanuts Character are You?
brought to you by Quizilla

Ég ákvað að skella upp kommentakerfi vegna fjölda áskorana. (Ja, ég fékk allavega eina.)

Það er brúðkaupssýning í Garðheimum. Það er óþarfi að taka fram að ég kem þar hvergi nærri. En ég minnist á þetta því ég skil ekki þetta brúðkaupsæði sem hefur heltekið landann og raunar hinn vestræna heim. Heyrði eitt sinn í útvarpinu að svona meðal brúðkaup í dag kostaði lágmark 1.2milljónir. Er ekki í lagi með fólk? Hvernig dettur fólki að eyða svona upphæðum í aðra eins vitleysu. Ef er að marka umræðuna og allar bíómyndir og sjónvarpsþætti þá dreymir ungar stúlkur um brúðkaupið sitt frá barnsaldri. What? Þetta hefur bara alveg farið framhjá mér. Heyrði líka að allar ungar stúlkur dreymdi um að vera "prinsessur einn dag". Líf riddarans heillaði mig alltaf meira.

Það er svo margt sem ég þarf að tjá mig um núna:

Elsku litli, sæti, upphækkaði, fjórhjóladrifni, tæplega tveggja tonna burrinn minn fór á verkstæði í gær. Það er alltaf kvíðvænlegur tími. Bæði að vita af litla barninu einu og verið að rífa hann í sundur, hræðslan við að það finnist eitthvað alvarlegt að og svo auðvitað litli netti reikningurinn í lokin. Og auðvitað fundu þeir eitthvað. Í þetta sinn voru það bremsurnar að framan. Bremsuklossar, diskar og bremsudæla að framan. Ég semsagt maxaði heimildina á kreditkortinu í einni straujun. Ég nota nú ekki mikið kreditkortið en hver á svona upphæð á debetkortinu í lok mánaðar.

Vinkona mín sendi mér link á síðu. Í sjálfu sér ekki merkileg frétt en þetta var linkur á síðu sem ung stúlka sem við báðar þekktum þegar hún var yngri heldur úti um sjálfa sig. Hún er að skapa sér nafn í mjúk-erótík. Mér er búið að finnast þetta hræðilegt síðan ég sá hana fyrst framan á Bleiku og bláu. Það er eitthvað mjög óþægilegt að muna eftir nektarfyrirsætunum sem börnum.

Ég slökkti á útvarpinu í bílnum í dag. Síðan ég fékk bílpróf hef ég haft kveikt á útvarpinu þegar ég keyri en nú var ég búin að fá nóg. Þegar ég kveikti og það fyrsta sem ég heyrði var röddin í "minna á milli eyrnana" þá slökkti ég. Þegar ég var orðin ein þá byrjaði ég reyndar að syngja en þetta var ekki svo erfitt.

Mig langar í slysabarn. Ekki mannsbarn. Í upplýstu samfélagi er ekki til neitt slysabarn. Þungun er rökrétt afleiðing af samförum, ekki slys. Nei, mig langar í hund. Ofsalega sæt og góð blendingstík sem kunningjakona mín á er hvolpafull. Og það var slys. Tel fullvíst að tíkin hafi ekki gert sér grein fyrir afleiðingum gerða sinna og eigandinn varð ekki var við að hún væri á lóðaríi. Þeir sem koma til greina sem feður eru nokkrir. Dalmatíuhundur, íslenskur fjárhundur, boxer, eitthvað sem líkist labrador og einn sem er talað um sem "mexíkanska rottu", skilst nú reyndar að það sé nú ekki smáhundur en hef ekki séð gripinn svo ég veit ekki alveg hvað er átt við. Ekki það, ég hef ekki aðstöðu til að hafa hund frekar en fyrri daginn en í hvert skipti sem ég veit af hvolpum í kring um verð ég alveg veik.

Næst þegar ég á einhvern auka pening þá ætla ég að fjárfesta í geislaspilara í bílinn. Er búin að fá alveg nóg af þessum fávitum í útvarpinu. Nú ákvað fíflið sem er með "meiri tónlist, minna á milli eyrnana" að vera með rasistabrandara. Karlrembusvín með kynþáttafordóma, ég nenni nú ekki að hlusta á það á morgnana. Skilst að þessi snillingur hafi áður verið á kristilegri útvarpsstöð, það útskýrir margt.

Alltaf kemst maður af einhverju nýju. Hef alltaf talið að ég væri hræðileg í vélritun. Reyndar ekki mjög góð, þarf nú ekki annað en að skoða ásláttarvillurnar hér að neðan + einhverjar stafsetningarvillur. En hef komist að því að ég get gert mig skiljanleg á takkaborðinu þótt ég liggji upp í sófa með fartölvu í fanginu og kött í andlitinu þannig að ég sé ekki lykklaborðið.

Það er öskudagur í dag. Mér hafði alveg tekist að gleyma þessu þar til ég trítlaði inn í búð og nokkur hryllileg börn tróðust inn, enn hræðilegri en venjulega og byrjuðu að syngja. Er til eitthvað verra en börn í hóp að syngja? Hef heyrt að starfsfólk í verslunum sé með tremma fyrir þennan dag.
Þessi vitleysa tíðkaðist ekki þegar ég var barn. Man reyndar eftir að hafa fengið að búa til einhvern búning úr fötum sem voru til heima og fara svo niður í bæ í skítakulda og horfa á ömurleg skemmtiatriði á lækjartorgi. Auðvitað voru öskupokar með í för en þeir komu yfirleitt með heim aftur og enduðu í fötum fjölskyldunar.

Eruð þið tvíburar?
Það er ekki það að ég sé eitthvað fúl yfir að vera lík systur minni, enda er hún fríðleikskona eins og ég. Við vorum aldrei spurðar að þessu þegar við vorum yngri. Nú er búið að spyrja okkur að þessu þrisvar sinnum á nokkrum mánuðum. Mér detta alltaf í hug tvíburasysturnar sem unnu við útburð. Munið þið ekki eftir þeim? Litu alveg eins út, alltaf eins klæddar og alltaf saman. Voru örugglega í kringum fertugt. Vil ekki að við systur verðum þekktar í bænum eins og þær. "Þarna eru skýtnu tvíburasysturnar."

Gvöð minn góður!!! Kommentakerfið er dottið út hjá Nornunum. Ég dey!!!

Ef ekki þá ætla ég að tjá mig meira seinna í dag. I'll keep you posted.

Jæja, ég var svo hrædd um að ég væri Charlotte.

You Are Most Like Miranda! While you've had your fair share of romance, men don't come first Guys are a distant third to your friends and career. And this independence *is* attractive to some men, in measured doses. Remember that if you imagine the best outcome, it might just happen. Romantic prediction: Someone from your past is waiting to reconnect... But you'll have to think of him differently, if you want things to work. Which Sex and the City Vixen Are You Most Like? Take This Quiz Right Now! Find the Love of Your Life (and More Love Quizzes) at Your New Romance.

Var að horfa á einn af holgervingum karlmennskunar í kassanum í gær. Það er alltaf gaman að horfa á þessa gæja. Fyrir þá sem ekki vita þá eru í það minnsta tveir Hollywood leikarar sem eru ímynd karlmennskunar:
Clint Eastwood
Tommy Lee Jones
Reyndar var ég að átta mig á því að Gregory Peck fellur í þennan flokk líka ef ekki fyrir neitt annað en túlkun sína á einu karlpersónuni sem ég myndi vilja vera gift, Archibald Leach í To kill að mockingbird. Æðislegasta karlpersóna kvikmyndasögunar.

Það er konudagurinn í dag. Ég komst að því þegar ég hætti mér inn í bakarí í morgun. Vaknaði auðvitað snemma. Fyrst ég vakanaði snemma í gær þá auðvitað sofnaði ég á mjög kristilegum tíma í gærkvöldi sem leiddi til þess að ég vaknaði fyrir allar aldir í morgun. Og þarna stóð ég í bakaríinu inn um öll viðhengin sem voru búin að rífa sig upp til að færa konuni bakkelsi í rúmið. Jæja, ef þetta færir þessum greyjum einhverja ánægju.

Gvöð hvað það er erfitt að þurfa að vakna um helgar. Mér leið eins og ég væri tonn að þyngd. Klukkan hringdi og ég rétt hafði það að slökkva á henni. Svo lá ég eins og skata á bakinu og gat mig hvergi hreyft. Meðan ég var að reyna að hreyfa þennan ógurlega þunga skrokk fóru undarlegustu hlutir í gegnum hausinn á mér. Skil ekki alveg hvernig hausinn á mér er víraður stundum.
Come what may. Ég sá allt í einu fyrir mér Ewan Mcgregor að syngja þetta lag í Moulan Rouge. Þá rifjaðist upp fyrir mér þegar ég fór að sjá þessa mynd í bíó. Þáverandi viðhengi vildi endilega fara að sjá hana. Þetta fyrrverandi viðhengi var samt sem áður búinn að lýsa því yfir að hann þoldi ekki söngvamyndir. Ég ítrekaði það nokkrum sinnum að þetta væri söngvamynd, hvort hann gerði sér grein fyrir því. Jújújú, hann vissi það en vildi samt sjá hana. Svo eftir myndina spurði ég hvernig honum hefði svo líkað myndin. "Ég hélt að það myndi ekki vera sungið svona mikið." Duuuuuh!!!

Haldiði að mín hafi ekki bara verið í Háskólabíói í gær með hinu fína fólkinu. Það var verið að frumsýna tvær íslenskar myndir. Annars vegar kvikmynd og hins vegar heimildarmynd. Ég var á heimildarmyndinni. Guðni Ágústsson hélt stutta ræðu til heiðurs kvikmyndagerðarmanninum. Mann greyinu hefur ekki mikið farið fram í ræðuhöldum síðan ég varð þess vafasama heiðurs aðhljótandi fyrst að heyra hann tala.
"Þar sem tvö tré standa, þar er skógur."

"Guð sendi mig í lýtaraðgerð."
Orð Ruthar Reginalds framan á Séð og Heyrt.

Það er gott að guði þyki vænt um ljóta fólkið líka. Meira að segja svo mikið að hann sendir það í lýtaraðgerð til að það sé honum þóknanlegt.

Var að átta mig á því að morgunrúnturinn minn tekur meira en klukkutíma. Á þessum tíma hlusta ég á útvarpið. Verð að hætta því eða finna nýjar útvarpsstöðvar. Það gæti reyndar orðið erfitt þar skjárinn á útvarpinu í bílnum ákvað að detta út um daginn. En semsagt eftir að ég gafst endanlega upp á einum útvarpsmanninum um daginn, meiri tónlist minna af öllu öðru, þá stilti ég aftur á Ísland í bítið. Ég held reyndar að fólk almennt sé bara farið að fara alvarlega í taugarnar á mér.

Ástþór Magnússon ætlar að fara aftur í forsetaframboð. Hann á aldrei eftir að vinna en þessar óþarfa kosningar eiga eftir að kosta okkur (þjóðina) mikla peninga. Ef svo ólíklega vildi til að hann myndi vinna þá myndum verða með einn forseta á launum og tvo á eftirlaunum. Ætli það sé ekki dýrara en kosningarnar. Tel svosem ekkert vitlaust að hafa svona skrautfjöður, svona í ljósi þess að annars myndi forsætisráðherrann vera andlit okkar út á við. Það væri allt sem við þyrftum. Það var verið að tala við Ástþór í morgun og nýju konuna sem er 29 ára og rússnesk. Dóttir hans 25 ára. En gaman.

Það var líka verið að tala við Ruth Reginalds. Hún ætlar að halda "makeoverinu" til streitu. Hún er komin í líkamsrækt og hætt að reykja. Er það ekki bara nóg? Afhverju getum við ekki bara stefnt að því að verða eins góð og við getum orðið án þess að fara í áhættusamar aðgerðir? Þar að auki værum við góð fyrirmynd fyrir börnin okkar. Þau geta þá en stefnt að því að líkjast okkur. Breytingar með skurðaðgerðum erfast ekki. Um leið og þú ferð í skurðaðgerð þá segirðu börnunum þínum að genin sem sú þú erfðir þau að séu ekki nógu góð, svo eina leiðin til að foreldrunum líki við þau er að fara líka í aðgerð. Og ef þið haldið að þetta sé ofureinföldun þá think again. Þetta eru skilaboðin sem börnin fá. Þetta er það sem síjast í gegn, hvað sem þið segið. Actions speak louder than words.

Viðbót við veiðileyfalistann:
Allir sem eiga eða reka líkamsræktarstöðvar.
Fávitar sem halda að fegrunaraðgerðir bæti sjálfstraustið.
Fólk sem hallmælir femínistum.
Nýnasistar.
Bjánar sem hallmæla nornum.
Allir þeir sem bera ábyrgð lökkuðum stuðurum.
Þeir sem sjá um morgunútvarpið á stöðinni sem auglýsi "meiri tónlist minna af öllu öðru". Allavega pottþétt minna á milli eyrnana á því liði en mörgum öðrum.
Ariel Sharon.

You are bell hooks (no capital letters)! You were
one of the first black wymyn to discuss in
public spaces the differences between being a
black womyn and being a black man or a white
womyn. You are the mother of intersectionality
and you couldn't care less about identity
politics. Thanks for making feminism accessible
and calling the white, middle class wymyn on
their bullshit!


Which Western feminist icon are you?
brought to you by Quizilla

Fólk sem ætti að veita veiðileyfi á:
Frelsaðir alkar.
Óhæfir foreldrar.
Drukknir ökumenn.
Ofsatrúarpakk.
George Bush.
Og bara almennt og yfir höfuð allt fólk sem mér leiðist eða fer í taugarnar á mér.

Ok, hamingjustuðullinn hefur eitthvað lækkað undanfarna daga. Ég veit ekki hvað er í gangi. Maybe I'm going over to the darkside. Svo er veðrið svo skrítið. Finn fyrir undarlegri löngun til að flytja í kofa undir klettum með hálf-dauðum trjám í kring. Sé reykinn liðaðast upp úr skorsteininum upp í þungbúinn og rigningarlegan himininn. Kettirinir skjóttast í kring og hrafn situr á mæninium og krunkar.
Þetta gefur ykkur kannski einhverja hugmynd um hvernig skapið er. Get ekki talað um neitt án þess að draga upp dekkstu hliðar málsins.
Er afskaplega pirruð út í trúað fólk þessa dagana. Finnst ég ofsótt af þessu liði sem telur að líf mitt verði svo miklu betra ef ég finn guð. Leitið og þér munið finna. Ég held að það sé forsenda fyrir því að leita að hafa trú á því að það sé eitthvað að finna. En er það ekki trú í hnotskurn? Þú verður að trúa því að þú finnir eitthvað. Ef þú trúir ekki að þú finnir eitthvað þá muntu ekki finna það. Vildi að fólk myndi hugsa rökrétt en það er einmitt málið við trú, hún stenst enginn rök. Það eru nefnilega enginn rök þegar öllu er á botninn hvolft. Það er ekki hægt að rökstyðja trú nema ganga út frá því að guð sé til. Þannig að grunnurinn stenst ekki rök. Að trúa er eins og að byggja hús án þess að steypa grunn. Húsið getur staðið þar til einhver fer að grafa í leit að grunninum og þá hrynur allt.
Aaaaarrrgg!!! OFSATRÚARPAKK, LÁTIÐ MIG VERA.

Var auðvitað vöknuð löngu fyrir hádegi, eins og alltaf (ég er orðin svo gömul). Svo Ég ákvað að glápa á kassann og hvað haldiðið að ég hafi séð? Það eru komnir nýjir þættir með He-man. JIBBÍÍÍ!!!

Fyrir þá sem eru ekki inn í þessum málum, þá er He-man teiknimyndapersóna og dót sem ég hafði mjög gaman af sem barn. Horfði alltaf á þættina og átti slatta af körlum og kastala og allt saman.

Ok, ég missti mig í sjálfsprófum. Ég er samt ósátt við niðurstöðuna úr þessu síðasta. Alveg dæmigert eftir öll leiðindin undanfarið. Er búin að verða fyrir þvílíkum ofsóknum af hendi einhvers ofsatrúarpakks. Alveg merkilegt hvað þetta ofsatrúaða lið er ókristilegt í hugsun og hegðun. Þið megið vera trúuð fyrir mér, leyfið mér bara að vera trúlaus í friði.

Jæja, það var og...ég trúi samt ekki að allir þessir vitleysingar hafi rétt fyrir sér.

Ghost or spirit: You are a lost soul. Very calm and
sweet, you are often the one who asks: What if?
With a clever mind, you want to explore the
world on a different level. Without the
answers, you aren't ready to move on. You are
most likely very creative and find yourself
thinking things through on a different level.
(please rate my quiz)


**Where will you go when you die?**(now with pics)
brought to you by Quizilla

Ok, ég hélt að ég ætti ekki að komast að því að mér líkaði best við mig:-/

You should be dating a Cancer.
21 June - 22 July
This mate is protective, kind and compassionate.
Though this crab can often be possessive, moody
or crabby, he or she is strongly attached to
his/her sexual partner.


What Zodiac Sign Are You Attracted To?
brought to you by Quizilla

Morpheus


?? Which Of The Greek Gods Are You ??
brought to you by Quizilla

You are blessed with FAERY wings. Beauty,
laughter, life, magic...that's what you are all
about. You are refreshingly innocent and happy
with your life of purity and play. Life's a
game and it's a good one. In your eyes there's
no way to lose! You can be very mischeivous and
have been known to cause trouble, but it's all
in the name of fun and not meant to really harm
anyone. You like to play tricks on people who
aren't quite as bright or clever as you - which
is almost everyone. Nature is the setting you
prefer to be in - Always. Barefoot and wild you
can't be tamed. You're probably a restless
spirit who loves to travel, and quite a
dreamer. Your creativity is astounding and your
art (of whatever media - from writing to
painting to drama) is like something from
another world - ethereal and often very
fantasy-oriented. You can either be a social
butterfly or a loner with their head in the
clouds - but rarely inbetween. You stubbornly
refuse to accept responsibility or to give in
to the wishes of others - unless you feel like
it. You have a strong passion for music and
can't imagine life without it. You'll grow up
someday, but you'll always be a child at heart.
You are adventurous and love to take risks, and
feel a deep connection with the weather,
plants, and animals. You prefer sunshine to
thunder or snow, the warmth of summer to
autumn's chill, and quiet forests to suburban
backyards. Magic through and through, you are
far more powerful than you seem, and are
capable of being extremely passionate. Though
you can be childish, naive, stubborn, and
self-absorbed, one thing is certain - life with
you will never be boring!


*~*~*Claim Your Wings - Pics and Long Answers*~*~*
brought to you by Quizilla

Ég hef áhyggjur af peningunum mínum.
Ég veit að þetta er undarlegt komment en það er ástæða fyrir því. Þið þurfið smá forsögu til að skilja dæmið.
Málið er að mín nánasta fjölkylda er ekki mjög stór. Ég á ekki lengur afa og ömmur og aðeins annað foreldri mitt er á lífi. Af okkur systkinunum er bara eitt okkar sem á börn. Ekkert okkar er gift og þetta eina sem á börn er fráskilið. Og þá förum við að nálgast vandamálið. Skilnaðurinn var ekki í góðu, og þetta er understatment of the year. Systkini mitt ákvað í ljósi þessa að athuga með annann forráðamann fyrir börnin ef eitthvað kæmi fyrir. Þá fyrst og fremst fjárhaldsmann svo að fyrrverandi maki myndi ekki geta eytt peningunum að eigin vild.
Það er sem sagt komið í ljós að samkvæmt lögum þá á eftirlifandi foreldri fullan rétt til að fá forræði yfir börnunum ef eitthvað kemur fyrir foreldrið sem hefur forræði og verður þar með fjárhaldsmaður barnana. Það er reyndar auðveldara að skipa annan fjárhaldsmann en að eftirláta einhverjum öðrum forræði.
Þegar við vorum að ræða þetta mál okkar milli í rólegheitum kom allt í einu upp hlið á málinu sem ég hafði ekki áttað mig á og veldur því að ég hef áhyggjur af peningunum mínum.
Ef ég læt ekki útbúa erfðaskrá og allir mínir nánustu ættingjar deyja áður en börnin ná 18 ára aldri þá verður þessi illa liðni fyrrverandi maki með mína peninga undir höndum, því börnin myndu erfa mig þar sem þau væru mínir nánustu ættingjar á lífi.
Nú er hægt að segja að þetta séu nú óþarfa áhyggjur. Og mikið rétt, þær gætu verið það. En staðreyndin er að við systkinin og foreldri okkar erum ekki fleiri en það að við komumst öll í einn bíl. Svo það þyrfti ekki nema einn harðan árekstur til að útrýma öllum yfir átján ára aldri í fjölskyldunni. Þá myndu börnin erfa okkur öll og illa liðni fyrrverandi makinn myndi fá yfirráð yfir öllum okkar eigum.
Þetta líkar mér alls ekki og er ég nú alvarlega að íhuga að útbúa erfðaskrá og/eða eignast börn.

Daggæsla...fyrir ketti.
Ég hef deilt heimili mínu núna í bráðum einn og hálfan áratug með heiðursmaddömu af þessu göfuga kyni. Get ekki neitað að á þessum tíma hefur bæst við grey sem átti ekki annan samastað.
En nú ber svo undir að þegar ég kem heim eru mun fleiri einstaklingar af þessari tegund heima hjá mér en þeir sem tilheyra mér. Ég er komin í reglulegt símasamband við nokkra eigendur til að láta sækja "börnin" að loknum degi. Mér er farið að líða eins og ég sé með daggæslu þar sem boðið er upp á leiki, mat og svefntíma.
Í gær leit ég svo út rétt áður en ég fór að sofa og horfðist í augu við enn eitt par af gulum augum sem skutust svo út í náttmyrkrið. Þess verður víst ekki langt að bíða að ég komi að eigenda þessara gulu augna sofandi einhversstaðar heima hjá mér.

Fegrunarráð ´ala Hel
Áhugi á Lýtaaðgerðum virðist tröllríða öllu þessa dagana. Ég, eins og áður hefur verið nefnt, hlusta iðulega á Ísland í bítið á mínum venjulega morgunrúnti. Þar var verið að tala um væntanlega lýtaaðgerð Ruthar Reginalds. Það hringdi inn hver hlustandinn á fætur öðrum sem dásamaði þennan verknað og lét í ljós óskir um svipaða meðferð, sá yngsti 21 árs.

Áður en ég leiði ykkur í allann sannleikann um leiðina til að láta ykkur líða vel í eigin skinni þá vil ég að ákveðnar staðreyndir komi fram:
Hamingjustuðull minn er vel yfir meðallagi.
Sjálfsálit mitt er frekar of mikið ef eitthvað er.
Ég hef aldrei lennt í vandræðum með að verða mér út um vinnu.
Ég hef heldur aldrei lennt í vandræðum með karlpeninginn.

...og þá eru það leyndarmálin.
Ég hef aldrei litað á mér hárið né sett í það permanett.
Það er hægt að telja skiptin sem andlitfarði hefur verið settur á andlitið á mér.
Ég hef aldrei farið í ljósabekki.
Ég nota ekki nein rakakrem að staðaldri.
Þyngdin hefur hlaupið upp og niður (og út og suður).
Bolir og peysur sem ég geng í dags daglega eru oft á tíðum keypt í Hagkaup eða Rúmfatalagernum.
Ég borða það sem mér þykir gott og drekk gos á hverjum degi.
Ég geng aldrei í þröngum eða óþægilegum fötum.
Ég er alltaf í skóm sem eru þægilegir til að ganga í og fara vel með fætur og bak.
Geng aldrei í sjálfskeinara né blúndubrjóstarhöldum.
Plokka ekki augabrúnirnar né önnur hár.

...Og guð hvað mér líður vel alla daga.

Sé að fleiri en ég hafa fengið æði fyrir sjálfsprófum. Veit ekki afhverju ég hef gaman af þessu en ég geri það.
Hér er smá hugleiðing um sjálfsprófið hér fyrir neðan.

Mér finnst Easy rider leiðinleg mynd.
Ég er Easy rider.
Mér finnst ég leiðinleg.

Eða:
Mér finnst ég frábær.
Ég er Easy rider.
Easy rider er frábær.

Eða:
Mér finnst Easy rider leiðinleg.
Mér finnst ég frábær.
Ergo: Það er ekkert að marka sjálfspróf á netinu.

What Classic Movie Are You?

Þetta er í annað sinn sem ég tek svona próf "what classic movie are you" og þetta er ekki sama prófið og ég fæ alltaf þessa niðurstöðu. I just don't get it.

What Famous Leader Are You?

Ég veit nú ekki alveg hvort ég á að vera ánægð með þetta.

Gott gengur barninu til að berja hann föður sinn.

Þetta er íslenskur málsháttur. Ég hef enga hugmynd hvað þetta merkir enn mér finnst hann bara fyndinn.

Karlmenn þurfa að endast í fimm mínútur, konur í níu mánuði.

Einhver ládeyða að drepa mig bara svona almennt og yfir höfuð. Finn fyrir mikilli löngun til að liggja heima. Just hate that I do.

Ég er í fúlu skapi.
Í dag lennti ég á fundi með heiladauðum hálfvita, karlmaður af sjálfsögðu. Hann rústaði bara móralnum. Var bara pirruð og þreytt þegar ég komst loksins út af þessum fundi.
Svo var einhver helvítis aumingi sem tók sig til og barði háaldraða, heilaskaðaða konu á hjúkrunarheimili. Verð bæði reið og miður mín þegar ég heyri svona. Gaman að vita hvað bíður manns þegar aldurinn fer að segja til sín.
Afhverju er endalaust verið að spila þessa glötuðu stuðmenn á öldum ljósvakans. Hvenær ætlar fólk að fara að átta sig á að þessi hljómsveit var orðin léleg og aumkunarverð fyrir 15 árum. Þessi nýjustu lög valda smitandi heiladauða.
Það á að vera -16°c á laugardagskvöld í Reykjavík. Er ekki allt í lagi? Eru engin takmörk fyrir dónaskapnum í dag.
Það er ekkert almennilegt í sjónvarpinu um helgar. Ég hef fjórar sjónvarpsstöðvar og engin þeirra getur sýnt eitthvað almennilegt á föstudags- og laugardagskvöldum.
Hvernig í ósköpunum kemst maður eins og Pétur Blöndal endalaust inn á þing? Veit svo sem að heilbrigð heilastarfsemi er ekkert að há fólki sem kýs hans flokk almennt en kveiknar aldrei á neinum perum?
Ég ætla semsagt að reyna að jafna mig í kvöld og kannski um helgina ef ég get komist í gegnum morgundaginn án þess að gera eitthvað sem gæti komið mér bak við lás og slá.

Hún er snillingur hún Sirrý.
Það eru víst 12-15 þúsund manns á Íslandi sem þjást af þunglyndi. Svo hún Sirrý ákveður að hafa þátt um þunglyndi. Og hvað gerir snillingurinn? Fær tvo menn í viðtal. Geðlækni og GEÐHVARFASJÚKLING. Alveg merkilegt að enginn af þessum 12-15 þúsund ÞUNGLYNDISSJÚKLINGUM skuli hafa fengist í viðtal. Svo var endalaust talað um bata. Fólk sem þjáist af GEÐHVARFASÝKI fær aldrei bata, það getur lifað með sjúkdómnum. Eina sem hefur verið áorkað með þessum þætti er rugla fólk enn meir.

Stundaskráin í dag er frekar brengluð og þess vegna er tvö ólík en tengd málefni sem hafa náð athygli minni.
Annars vegar var verið að tala um bæði í gær og í dag heimafæðingar í Ísland í býtið. Afstöðu minni er fljótlegt að lýsa. Ég er alfarið á móti þeim. Sem betur fer virðist meirihluti íslendinga vera á móti þeim líka. Ég er alltaf svo fegin þegar þjóðin sýnir skynsemi. Læknar segja að engin fæðing sé eðlileg fyrr en hún er afstaðin meðan ljósmæður segja að allar fæðingar séu eðlilegar þar til annað komi ljós. Hér er málið í hnotskurn. Áður fyrr þá einfaldlega dóu þær konur sem gátu ekki átt börn með eðlilegum hætti. Þar sem þær fjölguðu sér ekki þá fjölgaði ekki þeim sem erfðu frá sér þetta vaxtarlag eða annað sem gat valdið vandræðum í fæðingu. Síðustu 50 árin eða svo hefur hins vegar tæknin gert fleirum fært að fæða börn. Svo bæði konur og börn sem hefðu áður dáið í náttúrulegum fæðingum lifa nú. Ekki misskilja mig, mér finnst það alls ekki slæmt. En það hins vegar þýðir að þeim fjölgar sem geta lent í vandræðum í fæðingu. Þetta þýðir líka að það er æskilegra að sem flestir fæði á sjúkrahúsi. Við erum löngu búin að færa okkur frá náttúrunni og allt tal um að reyna skyndilega að færa sig aftur á bak er hrein fáfræði og stórhættulegt. Við yrðum að byrja á því að banna öllum þeim sem geta lent í vandræðum í fæðingum að eiga börn. Svo og hætta öllum tæknifrjógvunum þar sem það fólk er greinilega ófært um að fjölga sér á eðlilegan hátt. Er það virkilega það sem við viljum.
Svo er það hitt. Kynorka kvenna. Svo sem gott mál. Það fer alltaf í taugarnar á mér þegar það er verið að segja að konur hafi minni áhuga á kynlífi en karlar. Bullshit. En ástæðan fyrir því að ég fór að hugsa um þetta er að ég fór að horfa á Oprhu. Þar var verið að tala um þetta málefni. Þar var verið að blanda strippi og súludansi inn í þetta. Hverjum er verið að gera til geðs nákvæmlega. Ekki konum myndi ég halda. Mér finnst fátt niðurlægja konur meira en stripp og súludans, hvernig nákvæmlega á það láta mér finnast ég meira sexý? Er ekki málið að til að konum finnist þær sexý þá á karlmönnum að finnast þær sexý. Ég hef nú ekki séð að það sé eitthvað sem er að há karlmönnum. Þeim finnast þeir alltaf sexý hvort sem þeir eru það eða ekki og hvað sem konum finnst. Er ekki verið að seja að konur sem eru ekki eins og stripparar í útliti eða hegðun geti ekki verið sexý og erum við þá ekki að nálgast rót vandans. Konur mega ekki hafa kynhvöt nema til að höfða til karlmanna. M.ö.o. þá snýst þetta um að konur eiga vekja kynhvöt karlmanna en ekki sýna eigin. Við skulum bara hafa þetta alveg á hreinu. Konur hafa alveg jafn mikla kynhvöt og karlmenn. Ástæðan fyrir því að konur eru ekki alltaf jafn ákafar að stunda kynlíf er líka einföld. Konur eiga líkamlegra erfðiðara að fá fullnægingu. Þetta er óumdeild staðreynd. Það þýðir ekki að þær hafi minni áhuga á að upplifa hana. Það er hins vegar svona 99% öruggt að karlmaður fái fullnægingu við það stunda kynlíf. Ef konur hefðu þessar líkur væri ekki spurning að þær væru tilbúnar til að stunda kynlíf við öll tækifæri. Ég myndi sætta mig 75% öryggi. En það er ekki fyrir hendi og sumar konur hafa aldrei fengið fullnægingu. Er skrýtið að þær séu ekki áfjáðar í að stunda kynlíf. Karlmenn væru nú ekki svona spenntir ef þeir fengu ekkert út úr því. Svo skilaboðin eru þessi. Karlmenn, standið ykkur bara betur og við skulum stunda kynlíf hvar sem er hvenær sem er.