Litla babe-ið mitt fór í litla aðgerð á mánudaginn þar sem var fjarlægt æxli við spena. Það er ótrúleg harka í gömlu. Þið sem eigið ketti vitið að það er algengt að þau missi þvag eftir aðgerðir út af svæfingunni. Ekki gamla. Hún var búin að liggja alveg bakk í þrjá tíma þegar hún fór að brölta. Ég var með hana inn í stofu hjá mér svo ég gæti fylgst með henni. Jæja, svo byrjar daman að skrölta fram. Stóð ekki í lappirnar, ég varð að ganga með henni og styðja við hana. Daman hafði ekki orku til að komast lengra en fram á gang þar sem hún datt niður og lá flöt. Ég tók hana auðvitað upp og hélt á henni inn aftur því ekki gat hún legið á köldu gólfinu. Þetta endurtókum við þrisvar sinnum þar ég loksins kveikti á perunni. Tók gömlu upp og fór fram á bað þar sem ég settist niður með gömlu fanginu og beið. Og mikið rétt gamla skreiddist á lappir og með mínum stuðningi fór hún í kassann og pissaði. Síðan skreiddist hún úr kassanum og hneig niður. Mín ætlaði sko ekki að fara míga undir á gamals aldri, ooonei.
Núna þarf hún að vera með skerm í viku, ekki ánægð. Finnst upplagt að minna mig á það um miðjar nætur með því skella honum í andlitið á mér. Besti tími dagsins er þegar ég tek af henni skerminn og held um sárið á meðan hún þvær sér. Þið verðið að afsaka viðkvæmnina en ég er búin að hafa þessa elsku tveimur árum lengur en gert var ráð fyrir núna.